Mbrëmja nuk ka dhuruar asnjë surprizë në ndy takimet e kthimit, të vlefshme për të shkuar në fazën e një të tetave të Champions League, sezoni 2022-2023. Real Madrid ecën më tej duke hequr një rival të rrezikshëm si Liverpool, për të synuar kurorën e 15-të. Ndeshja në “Santiago Bernabeu”, Real Madrid dhe Liverpool, përfundoi me fitoren minimale 1 me 0 të “galaktikëve”, të cilët arrijnë sërish të kualifikohen për në fazën çerek-finale të kompeticionit të tyre të preferuar, UEFA Champions League (rezultati i përgjithshëm 6-2). Një gol i “bomberit” francez Karim Benzema në minutën e 80’-të, të sfidës ka mjaftuar për të vulosur fitoren e radhës ndaj “të kuqve” të Jurgen Klopp, pas asaj fitoreje magjike 2 me 5 para 2 javësh në “Anfield Road”. Kurse në Itali, Napoli fitoi edhe takimin e dytë përballë gjermanëve të Eintracht, pas trazirave në rrugët e qytetit mes tifozërive dhe forcave të rendit. Napoli fitoi bindshëm 3-0, teksa takimi i parë ishte mbyllur po në favor të tyre, 0-2. Napoli bëhet skuadra e tretë italiane, në tetë ekipe të kualifikuara në këtë fazë, pas Interit dhe Milanit. Kurse Real Madrid bëhet ekipi i fundit që arrin në çerek-finalet e UEFA Champions League dhe tashmë pritet vetëm hedhja e shortit për ekipet e mbetur në Ligën e Kampionëve, short i cili do të hidhet mesditën e të premtes, në Nyon të Francës.
Ndeshjet e para të çerekfinaleve do të zhvillohen më 11 dhe 12 prill, ndërsa të kthimit më 18 dhe 19 prill. Gjysmëfinalet do të zhvillohen më 9 dhe 10 maj sfidat e para dhe më 16 dhe 17 maj ndeshjet e kthimit. Finalja do të jetë ditën e shtunë më 10 qershor në Stadiumin Olimpik Atatruk në Stamboll.
