Një 42 vjeçar në Lushnje ka përfunduar në pranga pasi është kapur në flagrancë teksa shiste doza kanabisi. Ky shtetas ishte dënuar edhe më herët po për të njëjtën veprimtari krimininale. Në pranga është vënë edhe 20 vjeçari, i cili po blinte lëndën narkotike.
Në sajë të operacionit policor të koduar “Deal”, policia bën me dije se është sekuestruar një sasi lënde narkotike kanabis, e ndarë në doza.
“Specialistët për Hetimin e Krimeve të Komisariatit të Policisë Lushnjë, të mbështetura nga inteligjenca informative, për një rast të shitjes në doza, të lëndës narkotike kanabis, kanë organizuar dhe finalizuar operacionin policor të koduar “Deal”, në kuadër të të cilit u kapën në flagrancë dhe u arrestuan shtetasit G. S., 42 vjeç, banues në Dimal dhe R. A., 20 vjeç, banues në Itali.
42-vjeçari, i dënuar më parë për veprimtari kriminale në fushën e narkotikëve, u kap në flagrancë, në automjetin që drejtonte, teksa i shiste shtetasit R. A., doza të dyshuara lënde narkotike kanabis. Këto doza u sekuestruan nga shërbimet e Policisë, në cilësinë e provës materiale.
Materialet procedurale i kaluan Prokurorisë pranë Gjykatës së Rrethit Gjyqësor Lushnjë, për veprime të metejshme, për veprën penale “Prodhimi dhe shitja e narkotikëve”, bëhet me dije në njoftimin e policisë.
p.k\dita
