Presidenti i Francës, Emmanuel Macron, ka bërë të ditur se rreth 15 vende janë përfshirë në një plan ndërkombëtar për të lehtësuar qarkullimin në Ngushtica e Hormuzit, një nga rrugët më të rëndësishme për transportin global të energjisë.
Deklarata u bë gjatë një mbledhjeje me këshilltarët dhe anëtarët e kabinetit në Pallatin Elize në Paris, në një kohë kur tensionet në rajon mbeten të larta.
Mision “mbrojtës” në koordinim me Iranin
“Rreth 15 vende janë aktualisht duke u mobilizuar dhe marrin pjesë në planifikim, nën drejtimin e Francës, për të bërë të mundur realizimin e këtij misioni rreptësisht mbrojtës, në koordinim me Iranin, me qëllim lehtësimin e rifillimit të qarkullimit,” deklaroi Macron.
Nisma synon të garantojë sigurinë e lundrimit dhe rikthimin e trafikut normal në këtë korridor jetik, përmes bashkëpunimit ndërkombëtar dhe koordinimit me Iran.
Rëndësia strategjike e Hormuzit
Ngushtica e Hormuzit konsiderohet një pikë kyçe për tregtinë globale të naftës dhe gazit, dhe çdo ndërprerje e qarkullimit në këtë zonë ka ndikim të menjëhershëm në tregjet ndërkombëtare.
j.l./ dita
