“Ju që s’e votuat ju shoftë fara, ju që e besuat, qofshi bekuar!” Ky status i kandidates së “Bashkë Fitojmë” për Këshillin Bashkiak të Tiranës, Keda Kaceli në drejtim të atyre që nuk votuan solli reagime të shumta në rrjetet sociale. Në një intervistë për ‘Euronews Albania’, Kaceli u shpreh se statusi i saj ishte shumë më i thellë se ç’u interpretua.
“Nuk ka qenë mallkim, është fryrë. I gjithë mesazhi duhet lexuar nga fillimi nuk i referohet popullit, elektoratit, por atyre që nuk e besuan projektin tonë. Ne bëmë një fushatë të mrekullueshme, iu drejtohet një pjesë të elektoratit që nuk deshi të ndryshonte gjërat, që është e detyruar të rrijë në zgjedhën që zgjodhi dhe jam e keqardhur edhe për ata. Është nomale që kur diktatura shtrihet gjatë e gjerë në bulevardin “Dëshmorët e Kombit” për të disatën herë të ndjesh keqardhje. Është në kuadrin e gjithë mesazhit të shkruar në dialekt tiranas, ai mesazh ka shtrirje shumë më të thellë”, tha Kaceli.
