Deputetja e PS, e zgjedhur në Njësinë Administrative Nr.9 në Tiranë, Ogerta Manastirliu gjatë një prononcim për “Report TV”, tha se është thelluar rezultati zgjedhor në Njesinë 9 në favor të kandidatit të PS, kryetarit të Bashkisë Tiranë, Erion Veliaj, krahasuar me zgjedhjet e kaluara. Manastirliu bëri me dije se diferenca në vota drejt përfundimit të numërimit është mbi 2800 vota në favor të Veliajt. “Nuk kemi patur asnje problematikë, ku vërehet që kryetari Bashkisë Erion Veliaj ka një epërsi të ndjeshme me kandidatët e tjerë dhe mbështetja në Njësinë 9 është rritur krahasuar me zgjedhjet e kaluara”, tha Manastirliu. Më tej shtoi: “Na vendos në një përgjegjësi shumë të madhe dhe në një angazhim të madh për t’iu përmbajtur të gjitha angazhimeve që kemi para qytetarëve. Kjo është një votë për zhvillimin dhe të ardhmen e Shqipërinë. Ne kemi pasur objektivat tona mbi 50 bashki dhe i kemi pasur të sigurta, pikërisht për shkak punës që kemi bërë. Ne jemi një parti që kemi një organizim shumë të mirë në territor, por nuk do të mjaftonte kjo nëse nuk do të kishim bërë një punë shumë të mirë. Është PS dhe Rama që do të mbështesin bashkitë që t’i realizojmë të gjitha projektet zhvillimore”, tha Manastirliu.
