Fitore e madhe e Newcastle në “St James Park”. Skuadra e Eddie Howe mposhti 2-0 Manchester United, në një “finale” për kualifikimin në Champions League.
Golat e fitores u realizuan në pjesën e dytë. Joe Willock zhbllokoi takimin me kokë (65’). Me kokë u shënua edhe goli i qetësisë me anë të Callum Wilson (88’).
Ky ishte suksesi i tretë radhazi për Newcastle, që i rrëmben vendin e tretë skuadrës së Ten Hag falë golavarazhit. Dy skuadrat numërojnë nga 50 pikë.
“The Magpies” hakmerren në këtë mënyrë për finalen e humbur në EFL Cup.
Vijon momenti i keq i Manchester United në kampionat. “Djajtë e Kuq” kanë grumbulluar vetëm një pikë në tri ndeshjet e fundit.
