Detaje të reja dalin nga dosja “Plumbi i Artë”, ku dëshmia e Dumanit çoi në sekuestrimin e pasurive të Ervis Martinaj, kazino, kompani, llogari bankare të fëmijëve, automjete e mijëra sipërfaqe toke në Patok të Lezhës. Por, si u përfshi Martinaj në dosjen ‘Plumbi i Artë’?
I penduari i drejtësisë Nuredin Dumani ka dëshmuar se Martinaj ka qenë gati ta paguante me 500 mijë euro për të vrarë Indrit Doklen. Sipas tij, me Martinaj kishte rënë dakord që të merrte për vrasjen e Indritit shumën prej 500 000 euro. Dumani thotë se ka marrë paradhënie shumën prej 100 000 euro.
Në vendimin e Gjykatës për sekuestrimin e pasurive të Dumanit thuhet se SPAK ka hetuar dhe nga hetimet e kryera krijohet dyshimi se shtetasit Nuredin Dumani, Ervis Martinaj, Elvin Merlika, Alket Xhixha dhe Henrik Hoxhaj, kanë bashkëpunuar për të kryer vrasjen.
Ata konsumuar elementë të veprave penale të “Sigurimi i kushteve dhe i mjeteve materiale për të kryer vrasje”, në dëm të shtetasit Indrit Dokle, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizatakriminale”, parashikuar nga nenet 80, 28/4, 333/a/1, 334 të Kodit Penal”, thuhet në vendimin e gjyqtarit Erjon Bani.
m.b./dita
