Ministria e Arsimit dhe Sportit ka prezantuar gjatë ditës së sotme draftin e Strategjisë së Kërkimit Shkencor, Teknologjisë dhe Inovacionit që do të zbatohet në vendin tonë për vitet 2023-2030.
Në takimin e zhvilluar me ekspertë të arsimit të lartë, ministrja ka konfirmuar edhe prioritetet që synohen të arrihen në drejtim të përmirësimit të kërkimit shkencor dhe inovacioni.
Drafti i hartuar nga disa institucione, tashmë është në konsultim publik, për të cilin ministrja Kushi bëri me dije se presim sugjerime konkrete që ndihmojnë në përmirësimin e tij.
Nga zbatimi i këtij dokumenti synohet:
Rritja graduale të buxhetit për kërkimin shkencor dhe inovacionin deri në vitin 2030 në 1% të PBB, duke përfshirë edhe kontributin e të gjithë aktorëve (sektori i biznesit, arsimi i lartë privat, organizatat jofitimprurëse, ministritë e ndryshme dhe bashkitë).
Rritja e pjesëmarrjes së institucioneve tona në programet kuadër të BE-së, si Horizon Europe, etj.
Krijimi i një mjedisi që lehtëson dhe nxit ndërveprimin dhe projekte të përbashkëta mes institucioneve kërkimore dhe komunitetit të biznesit.
Përmirësimi i kapaciteteve të kërkuesve shkencor dhe krijimi i rrjetit të tyre brenda dhe jashtë Shqipërisë, për rritjen e performancës në programet kombëtare dhe ndërkombëtare.
Zhvillimi i kapaciteteve infrastrukturore të kërkimit shkencor, krijimi i mjediseve të përshtatshme kërkimore, laboratorëve dhe infrastrukturave kërkimore.
p.k\dita
