Artisti Mass do të jetë i ftuar special në natën finale të spektaklit më të madh të bukurisë në vend, Miss Universe Albania & Kosovo 2025, që do të mbahet më 29 qershor në Pallatin e Kongreseve.
Finalja e madhe pritet të jetë një mbrëmje spektakolare ku bukuria, arti dhe eleganca do të ndërthuren në një skenografi madhështore.
Massi do të ngjitet në skenë për të performuar përballë publikut dhe finalisteve që garojnë për kurorën që i çon drejt Miss Universe në skenën ndërkombëtare.
Një event që nuk duhet humbur, ku muzika e Massit do të shtojë emocionin e një nate të paharrueshme në kryeqytet.
n.s. / dita
