Një 36-vjeçar është gjetur i pajetë, në përroin e fshatit German të Matit, ndërsa ishte denoncuar humbja e tij nga familjarët. Policia vendore tha se i ndjeri A.M., ishte shpallur në kërkim për largim nga banesa, që prej ditës së martë, pasi ishte raportuar i humbur nga vëllai i tij. Kohët e fundit, i riu kishte shfaqur probleme të shëndetit mendor dhe pista kryesore është ajo e një flijimi të mundshëm, teksa priten edhe rezultatet e autopsisë. “Rreth orës 17.45, është gjetur pa shenja jete në një përrua në fshatin German, shtetasi A.M., 36 vjeç. Ky shtetas ishte shpallur në kërkim për largim nga banesa, pasi me datë 28.03.2023, është paraqitur në Komisariatin e Policisë Mat, A.M., dhe ka deklaruar se ishte larguar nga banesa vëllai i tij, cili kohët e fundit kishte shfaqur probleme të shëndetit mendor. Grupi hetimor ndodhet në vendngjarje dhe po punohet për zbardhjen e plotë të rrethanave të ngjarjes”, thuhet në njoftim.
Mat/ Gjendet i pajetë 36-vjeçari një ditë pas humbjes, dyshohet flijimi nën depresion
