Mbërrin në Tiranë Presidentja e Hungarisë, Katalin Novak.
Ajo është pritur me ceremoni zyrtare nga presidenti Bajram Begaj.
Pas takimit që do të kenë kokë më kokë, dy homologët do të mbajnë edhe një konferencë për shtyp, e cila pritet të nisë rreth orës 11:30.
Siç bën me dije zyra e shtypit të Presidencës, në qendër të bisedimeve, do të jenë zhvillimi i marrëdhënieve politike dhe ekonomike midis dy vendeve, bashkëpunimi me Hungarinë në funksion të procesit të integrimit të Shqipërisë dhe vendeve të tjera të Ballkanit Perëndimor, zhvillimet në rajonin e Ballkanit Perëndimor, si dhe zhvillimet e reja gjeopolitike të ndikuara nga agresioni ushtarak rus në Ukrainë.
Po ashtu, Novak do të ketë edhe një fjalë përshëndetëse në Kuvendin e Shqipërisë në orën 13:00.
j.l./ dita
