Në kuadër të Skemës Kombëtare të Mbështetjes 2023, po vijon shpërndarja e kartave të naftës falas për fermerët në të gjithë vendin.
Deri më tani, bëhet e ditur se janë mbi 19 mijë fermerë, të pajisur me kartën e naftës për kryerjen e punimeve të mekanizuara në bujqësi.
Konfirmimin e ka bërë vetë kryeministri Edi Rama, nëpërmjet një postimi të bërë në rrejtin social Facebook.
“Dhe me lajmin e mirë se ndërkohë që kemi rritje të mëtejshme të eksporteve bujqësore, deri tani 19,412 fermerë janë pajisur me kartën e naftës baraz me një sasi prej 4,138,198 litrash, për kryerjen e punimeve të mekanizuara në bujqësi në një proces që vijon me furnizim me Naftë Falas nga Skema Kombëtare e Mbështetjes 2023, ju uroj një ditë të mbarë”, shkruan Rama.
p.k\dita
