Teksa Edi Rama, Sali Berisha, Lulzim Basha dhe disa cifla politike që kanë dalë nga PS-PD shpotitin njëri-tjetrin dhe bëjnë hajgare, një nëndegë e qeverisjes siç është Kadastra ka rënduar më tej dramën e familjes Zoto, kryefamiljari i të cilës është hequr nga puna. Bëhet fjalë për shtetasin Maksi Zoto, baba i katër fëmijëve, bashkëshort i një zonje, e cila është e sëmurë rëndë.
Rasti i Maksit është pasqyruar nga faqja satirike në rrjetet sociale “Lolita”.
“Maksi është babai i katër fëmijëve. Dy prej të cilëve i ka të vëllait që i ka humbur jetën në aksident bashkë me gruan. Gruaja dhe vajza e Maksit janë të sëmura. Edhe të duash t’i gjesh kaq shumë fatkeqësi brenda një familjeje, për skenarin e ndonjë filmi apo libri, nuk i shpik dot. Sot Maksin e kanë pushuar nga puna nga Kadastra Shqiptare (Tiranë), për arsye administrative, pavarësisht 10 viteve në këtë punë dhe lutjeve të tij për ta sistemuar diku tjetër brenda agjencisë. Lorena Goxhobelli shpresoj ta bësh gjumin të qetë, pasi ke lënë pa bukë 4 fëmijë “për çështje administrative“”.
