Holta Zaçaj është zgjedhur kryetarja e re e Gjykates Kushtutuese, me 5 vota pro.
Sot, 20 shkurt u mbajt raundi i tretë për zgjedhjen e kryetares së re të Gjykatës Kushtetuese.
Në garë ishin Fiona Papajorgji, Marjana Semini dhe Holta Zaçaj.
Në raundin e dytë, asnjëra nuk mori 5 vota, për pasojë zgjedhja u shty për më 20 shkurt.
Kush është Holta Zaçaj?
Zaçaj ka punuar në një zyrë avokatie me qendër në Shtetet e Bashkuara të Amerikës. “Ligris and Associates PC” është firma ku ajo ka punuar nga viti 2019- janar 2020. Më pas, është bërë partnere e kësaj studioje ligjore në Massachusetts. Në studion e saj ligjore ajo ka qenë e specilizuar në të drejtën familjare, mbrojtjen e fëmijëve dhe transaksioneve me pasuri të patunshme.
Megjithatë për shumë kohë, kujdesej për dokumentacionin e personave që blinin pasuri të paluajtshme në SHBA, pasi firma ishte e fokusuar tek avokatë me përvojë në industrinë bankare si dhe në transaksione të pasurive të paluajtshme rezidenciale dhe komerciale.
Në jetëshkrimin e avokates Holta Zaçaj të publikuar në faqen e internetit të Gjykatës së Lartë, sqarohet se ajo është “avokate e specializuar në të drejtën familjare, mbrojtjen e fëmijëve dhe transaksioneve me pasuri të patundshme”. Po ashtu shënohet se është anëtare e Komitetit për Shërbimet e Mbrojtësit Publik-Divizioni për fëmijët dhe familjen në shtetin e Massachusetss në Shtetet e Bashkuara të Amerikës.
Juristja Holta Zaçaj kishte aplikuar për dy vakanca në Gjykatën Kushtetuese. Këshilli i Emërimeve në Drejtësi (KED), në një procedurë të mbyllur në gusht të vitit 2022, e vlerësoi kandidaten me 82.2 pikë. Në atë procedurë, kandidatja Zaçaj nuk arriti të zgjidhej në postin e anëtares së Gjykatës Kushtetuese. Më pas, KED, në një procedurë tjetër, vendosi rishikimin e vendimit që kishte marrë në Gusht 2022, duke e dërguar në nivelin e 84.7 pikëve.
j.l./ dita
