Mediat kosovare njoftuan pak më parë se mbledhja e nesërme në Gjakovë mes dy qeverive është anuluar. Sipas mediave kosovare që citojnë burime nga Tirana, është thënë se nuk e kanë në plan që të udhëtojnë për në Prishtinë për këtë mbledhje.
Megjithatë menjëherë pas publikimi të lajmit ka reaguar zëdhënësi i qeverisë së Kosovës, Përparim Kryeziu.
Ai hedh poshtë zërat për anulimin e mbledhjes mes dy qeverive në Gjakovë dhe shprehet se gjithçka është gati në Gjakovë.
“Mbledhja nuk është anuluar. Gjithçka është gati në Gjakovë. Kryeministri Kurti tani po merr pjesë në koncertin e sotëm atje të Ansamblit Shota dhe muzikantëve nga Kosova nga Shqipëria që është edhe uvertyrë për mbledhjen e nesërme. Për anulimin po dëgjojmë tani nga ju”, është shprehur Kryeziu.
o.j/dita
