Kryeministrja e Italisë, Giorgia Meloni është nisur nga Puglia me një traget të linjës
Mësohet se Meloni do të bëjë një vizitë jo zyrtare në vendin tonë me festë të kreut të qeverisë, Edi Rama, në Vlorë.
Meloni do të qëndrojë për pushime në Vlorë për afro 2-3 ditë së bashku me familjen e saj.
Meloni i është përgjigjur ftesës së Ramës, i cili pak ditë më parë tha për mediat italiane se e ka ftuar kryeministren italiane që të pushojë në Shqipëri. Vizita e Melonit në Vlorë, vjen në një moment kur mediat italiane i kanë kushtuar shumë artikuj vendit tonë, ndërsa këtë vit shumë italianë kanë preferuar që pushimet t’i kalojnë në Shqipëri.
Madje edhe kryeministri Rama ka dhënë disa intervista për mediat italiane për bumin e turistëve, pas një fotoje që ai publikoi duke paralelizuar eksodin e shqiptarëve në vitin 1990 drejt barit me turistët italianë që po vijnë në vendin tonë.
Kreu i qeverisë ka bërë me dije se po arrihet shifra rreth 500 mijë italianë që kanë vizituar Shqipërinë këtë vit.
Teksa pritet vizita e Melonit, vetëm një ditë më parë ish-kryeministri britanik Tony Blair mbërriti në Himarëme helikopter. Qëllimi i vizitës së tij nuk dihet, por nuk përjashtohet as ardhja e tij për të kaluar pushimet në bregdetin shqiptar.
j.l./ dita
