Shtohen zërat se Messi do të largohet nga PSG në fund të sezonit dhe Barcelona ka bërë prej ditësh ofertën zyrtare për ta rikthyer në Katalonjë, aty ku fitoi 36 trofe në 16 vite. Lionel Messi do largohet nga PSG-ja këtë verë. Sipas ‘L’Equipe’, ylli argjentinas nuk do të vazhdojë te PSG-ja nëse nuk pranon një ulje rroge. Është ky kushti që skuadra parisiene i kërkon futbollistit, të cilit i përfundon kontrata pas tre muajve. Gzeta siguron se klubi i kërkon një ulje që shkon në një të katërtën e pagës aktuale, ndonëse “Sport” në Spanjë ka mundur të mësojë se ky informacion është totalisht i rremë. Oferta që i ka bërë PSG-ja sulmuesit është të aktivizojë rinovimin me një vit që ka në kontratë me të njëjtat kushte aktuale ekonomike. Dallimet mes PSG-së dhe Messit qëndrojnë kryesisht në projektin sportiv. Messi pret garanci në projektin e ardhshëm sportiv të klubit, i cili me Galtier në krye nuk është në të mirën e tij.
Humbja e fundit ndaj Lyonit shkaktoi një valë kritikash për lojtarët e skuadrës dhe yjet e dhomës së zhveshjes. Përveç kësaj, te PSG janë të mërzitur sepse Messi ende nuk ka nënshkruar rinovimin e tij dhe kanë frikë se ofensiva e Barçës për ta rikthyer në La Liga do krijojë akoma më shumë dyshime te ylli argjentinas.
