Ylli i kombëtares së Argjentinës festoi në “El Monumental” jo vetëm Kupën e Botës para mijëra tifozëve të tij, por edhe golin e 800-të të karrierës, që ia shënoi me goditje dënimi Panamasë në fund të takimit miqësor. Së fundmi është folur më shumë edhe për mundësinë që argjentinasi Lionel Messi të rikthehet në Barcelonë nga sezoni i ardhshëm, duke qenë se kontrata e tij me PSG-në, përfundon në qershor dhe nuk ka asnjë lajm për rinovimin pas Kupës së Botës.
Sergi Roberto dhe Sergio Kun Aguero, i kanë shtuar edhe më shumë spekulimet në kohën fundit për një rikthim të Messit aty, ku e fillojë karrierën e tij në Camp Nou. Edhe presidenti i klubit, Joan Laporta, ka folur së fundmi, duke thënë se argjentinasi i ka dyert e hapura te Barcelona.
“Messi është lojtari më i mirë në histori. Ai ka qenë lojtari më i rëndësishëm në historinë e Barçës. Duhet të jem shumë i kujdesshëm me atë që them. Messi është një lojtar i PSG-së dhe unë duhet të kem respekt”. Leo e di që ne e kemi atë në zemrat tona. Është pjesë e mburojës sonë”, deklaroi Laporta. Trashëgimia që gjeta kur u bëra president nuk ishte aspak e mirë dhe duhej të merrja një vendim me të cilin nuk jam i kënaqur. Duhet të gjej një mënyrë për të përmirësuar marrëdhëniet aktuale të Messit me Barçën. Do të shohim, por ai e di që dyert e Barçës janë të hapura”, pëfundoi Laporta.
