Ilir Meta ka një minierë zinku në Kongo. Kështu tha avokati Idajet Beqiri në DritareTV. Avokati tregon sa para e bleu këtë minierë Meta dhe çfarë i kërkoi në këmbim shteti i Kongos.
“Është edhe një çështje në kurriz të Ilir Metës. Meta duhet të japë llogari deri në një për minierën e zinkut që ka blerë në Kongo.
Me çfarë lekësh e bleu? Me floririn e shqiptarëve. E ka blerë Ilir Meta për 300 milionë dollarë. Në këmbim të kësaj i ka kërkuar Kongo që të ndërtojë një spital, nga më të mëdhenjtë në Kongo dhe e ka ndërtuar falas Ilir Meta, me Kastriot Ismailajn.
Madje kanë ndërtuar edhe një shkollë nga më modernet falas, se ia donin në këmbim të blerjes së minierës. Nga ajo minierë Kongo merr miliona euro taksa nga Meta, Ismailaj”, tha Beiqri.
Ai bëri një deklaratë të fortë dhe për Sali Berishën. Beqiri tha se burime brenda Foltores thonë që kreu i SPAK-ut Altin Dumani do ta lirojë Sali Berishën nga arresti shtëpiak, brenda muajit maj.
“Nga burime që vijnë nga Foltorja më thonë që janë angazhuar që brenda majit Sali Berisha të dalë nga arresti i shtëpisë. Pra foltoristët kanë marrë masat që Berisha të dalë.
Do dalë me vendim gjyqi thonë ata, me vendim prokurori. Do ta anulojë Dumani vendimin e parë. Dumani i paska marrë masat që do t’ia bëjë këtë nder Berishës. Kështu më thonë njerëz të afërt të Berishës.
Por kjo është një ëndërr me sy hapur. Dhe do ishte një rrufe në qiell të hapur që të pafajësohej krimineli më i madh i këtij vendi, atij që ka bërë dëme të jashtëzakonshme ndaj Shqipërisë dhe shqiptarëve. Po doli ai i pafajshëm në këtë vend nuk dënohet më njeri”, tha avokati.
b.m/dita
