Gjatë një interviste televizive, ish-presidenti Ilir Meta ka folur për aferën e inceneratorëve dhe Lefter Kokën, ish ministrin e Mjedisit. Meta tha se e ka këshilluar Kokën dhe ministrat e tjerë të kenë kujdes kur firmosin pasi Rama nuk e di rëndësinë e ligjit dhe të letrave.
“Lefteri po bën shërbimet e veta ndaj Edi Ramës për gjërat e veta. Lefterit dhe të gjithë ministrave që kam emëruar unë, u kam thënë hapni sytë kur firmosni, kini kujdes dhe mos e dëgjoni atë, sepse ai nuk e di rëndësinë e ligjit dhe të letrave. Se ćfarë ka firmosur ai, e di vetë ai.
Çështja e inceneratorëve, u krijua me problemin e Fierit, që dilnin njerëzit. I kam thënë, zotëri nëse janë bërë në kundërshtim me rregullat, mos më ngatërro mua me këtë histori.
I kam ndërprerë marrëdhëniet me të, 3-4 muaj para se të digjte mandatet opozita. Nuk kishim përgjegjësi të merrnim në mbrojtje një njeri që ka bërë letrat me bekimin e Edi Ramës.
Mos e di budalla Shkëlqim Canin, që nuk pranoi të bëntë këto gjëra? Karriken e zë dikush tjetër, por firma mbetet aty”, tha Meta.
m.b./dita