Ministri i Jashtëm rus, Sergei Lavrov ka deklaruar se është gati të takohet me Sekretarin e Shtetit të SHBA-së Marco Rubio. Ai shtoi se interesat e Rusisë duhet të merren parasysh për të arritur paqen në Ukrainë.
Deklarata erdhi pas thashethemeve dhe mohimit të Kremlinit se Lavrov nuk kishte më mbështetje nga Vladimir Putin pasi përpjekjet për të organizuar një samit midis presidentit rus dhe Donald Trump u shtynë muajin e kaluar.
“Sekretari i Shtetit Marco Rubio dhe unë e kuptojmë nevojën për komunikim të rregullt”, tha Lavrov për agjencinë shtetërore të lajmeve ruse RIA.
“Është e rëndësishme për të diskutuar çështjen ukrainase dhe për të çuar përpara axhendën dypalëshe. Kjo është arsyeja pse ne komunikojmë me telefon dhe jemi të gatshëm të zhvillojmë takime ballë për ballë kur është e nevojshme”, tha Lavrov.
j.l./ dita
