Shifrat e publikuara nga Ministria e Punëve të Brendshme angleze, Home Office tregojnë për herë të parë sa shqiptarë janë në pritje të shqyrtimit të azilit.
Media britanike “The Indipendent” raporton se nga totali 160.000 aplikimeve ndër vite për azil, 15% e tyre ose 24,747 i përkasin shqiptarëve.
Vetëm vitin e shkuar, sipas Home Office, në brigjet angleze mbërritën rreth 13.000 shqiptarë ose 28% e totalit të mbërriturve nga 10 nacionalitete të ndryshme.
Kryeministri Rishi Sunak, sekretarja e shtetit Suela Braverman dhe ministri emigracionit kanë theksuar se azil kërkimi nga shqiptarët duhet të konsiderohet si një kapitull i mbyllur.
Rishi Sunak dhe Suella Braverman i etiketuan si “migrantë të paligjshëm”, pasi shqiptarëta u bënë grupi më i madh për nga kombësia mes emigrantëve me varka të vogla vitin e kaluar. Komentet e tyre ndezën thirrjet e ambasadorit shqiptar për të ndalur “fushatën e diskriminimit”.
Afganët janë bërë më pas grupi më i madh në mesin e azilkërkuesve që kalojnë Kanalin dhe Ministria e Brendshme pret që numri i njerëzve që mbërrijnë me varka të vogla të arrijë një rekord të ri këtë vit.
j.l./ dita
