Një aksident i rëndë ndodhi pak minuta më parë në aksin e “Rrugës së Arbrit”, segmenti Bulqizë-Shupenzë. Një makinë doli nga rruga kryesore në shpejtësi dhe nën ndikimin e faktorit të motit të keq, e për pasojë mësohet se ka mbetur i plagosur drejtuesi i makinës tip ‘Audi’.
Drejtuesi mjetit është identifikuar si Ramadan Meta, 22 vjeç, që u transportua fillimisht në spitalin e Bulqizës, por për shkak të gjendjes së tij të rëndë, u nis drejt Traumës në Tiranë. Transporti i tij po bëhet me autoambulancë, pasi helikopteri e ka të pamundur të mbërrijë për shkak të motit të keq. Policia Rrugore shkoi në vendngjarje dhe nisi hetimet, teksa ka dy pista për aksidentin.
