Milani dështoi mbrëmjen e së shtunës duke i thënë lamtumirë kampionatit, Inter përplas ‘brirët’ me Juventusin dhe në krahun tjetër derbi roman mes Romës dhe Lacios. Moment i mirë ky për Napolin që t’i jepte ‘grushtin’ e parafundit kampionatit mtë Serie A. Napoletanët vunë sot një dorë te titulli kampion, 11 javë nga fundi dhe me një diferencë prej 21 pikësh nga vendi i dytë (nëse Juventus nuk i rifiton më 15 pikët e dënimit). Dhe mori një fitore jo me pak rëndësi, në Torino. Napoli e i shkatërroi granatinët 0-4 dhe u ngjit në kuotën e 71 pikëve. Miqtë e Spallettit duket se kanë “prekur” trofeun e Serie A këtë sezon, duke qenë të pandalshëm dhe të vendosur për t’u shpallur kampionë, një trofe që u mungon që nga koha e Maradonës, më shumë se tre dekada më parë.
Të besuarit e Spalletti nuk e vendosën asnjëherë në diskutim fitoren, duke kaluar në avantazh qysh në minutën e nëntë me Osimhen. Në të 35′ mendoi Kvaratskhelia që nga 11 metra nuk gaboi përballë Savic. Në pjesën e dytë dhe konkretisht në të 51 minutë, Osimhen me dopietë shënoi për 3-0, teksa Ndombele në të 68 shënoi për 0-4. Me 71 pikë Napoli prin renditjen e Serie A, 21 pikë më shumë se Interi ndjekës. Torino me 37 pikë qëndron në vendin e 11-të.
Serie A e futbollit është në javën e 27-të. Me fillim në 12:30 këtë të diel u zhvillua Sampdoria 3-1 Verona, me dorianët që sigurojnë tri pikë pas shumë javësh, duke shpresuar të dalin nga zona e ftohtë. Në 15:00, Fiorentina fitoi 1-0 me Leccen falë autogolit të Gallo në minutën e 27-të.
