Këshilli i Legjislacionit në Kuvend, vetëm me praninë e përfaqësuesve të Partisë Socialiste pranoi vendimin e Gjykatës Kushtetueses për Rregulloren e Kuvendit.
Kushtetuesja rrëzoi disa prej neneve të miratuara vetëm me votat e PS në fillim të këtij viti, por që gjithsesi lë në fuqi përjashtimet me 30 ditë për dëmtimin e orendive të Kuvendit dhe 60 ditë për zjarrvënien, apo përdorimin e mjeteve piroteknike.
Në këtë mbledhje, ku deputetët e PD nuk ishin të pranishëm u shty shqyrtimi i dy vendimeve të tjera të Gjykatës Kushtetuese që kanë të bëjnë me ligjin për profesionet e lira dhe komisionet hetimore, për shkak se munguan dy relatorët.
i.b./dita
