Bordi i Transparencës ka publikuar çmimet e reja për karburantet në vend. Vihet re se çmimi i naftës është ulur me 7 lekë krahasuar me vendimin e kaluar.
Kështu duke nisur nga ora 18:00 e ditës së sotme nafta do të shitet 182 lekë për litër krahasuar me 189 lekë që shitej më parë.
Ndërkohë ulje ka pësuar edhe çmimi i benzinës, që do të shitet me 182 lekë për litër. Po ashtu ulje me 1 lekë ka pësuar edhe gazi.
Si rrjedhojë çmimet e vendosura janë :
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 182 lekë/litri, ndërsa i shitjes me shumicë jo më shumë se 170 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 182 lekë/litri, ndërsa i shitjes me shumicë jo më shumë se 170 lekë/litër.
Çmimi i shitjes me pakicë i nënproduktit gaz, të jetë 75 lekë/litri me pakicë dhe i shitjes me shumicë 63 lekë/litër për automjetet.
Çmimi i gazoilit për peshkim është vendosur 89 lekë/litër.
o.j/dita
