Me fillimin e rimbursimit të fishave të matjes së glicemisë më shumë se 12 mijë të moshuar të grupmoshës mbi 65 vjeç, kanë përfituar në dy javët e para të muajit mars, fishat e diabetit me rimbursim sipas protokollit të ndjekur nga mjekët e familjes.
Sipas autoriteteve të shëndetit, diabetikët që trajtohen ata me terapi orale marrin 50 fisha për 4 muaj, ndërsa ata që janë me terapi me insulinë marrin 50 fisha çdo muaj. Dhënia me rimbursim e fishave mund të bëhet vetëm nëpërmjet recetës së marrë nga mjeku i familjes.
“Janë mbi 50 mijë të moshuar që vuajnë nga diabeti, përfitojnë nga përfshirja në rimbursim të fishave për matjen e glicemisë, duke i kursyer të paktën një pension mujor në vit dhe duke përmbyllur ciklin e shërbimit falas nga diagnostikimi, trajtimi me medikamente dhe ndjekjen dhe ecurinë e sëmundjes së diabetit”, ka deklaruar ministrja e Shëndetësisë dhe Mbrojtjes Sociale, Ogerta Manastirli gjatë inspektimit të kryer në një nga qendrat shëndetësore të kryeqytetit.
p.k\kola
