Këshilli Kombëtar i PD po zhvillon punimet në selinë blu ku temë e diskutimeve janë zgjedhjet e 14 majit. Mësohet se gjatë mbledhjes me dyer të mbyllura, kryedemokrati Berisha ēshtë shprehur se për çështjen e drejtimit do të ndiqet rruga ligjore.
Berisha bëri po ashtu të ditur se grupimi që ai drejton do të paraqisë sot në KQZ kërkesën e regjistrimit në zgjedhje.
“ Ne do ndjekim rrugët gjyqësore. Ne sot do paraqesim në KQZ kërkesën për regjistrimin e PD në zgjedhje sepse kjo bazohet në faktin se nuk është në fuqi vendimi gjykatës dhe ata (grupimi Bashës) sipas kodit zgjedhor nuk mund te regjistrohen.
Brava ka dhënë dorëheqjen dhe e ka mbajt peng Rama, dhe nesër ai do të shkojë në gjykatë dhe nesër ai do të pranojë që ka dhënë dorëheqjen. Nesër ai cakton Alibejan si kryetar. Kjo s’ka bazë ligjore.
Të vendosim bashkë sot mënyrën sesi do paraqiten kandidatet tanë si të koalicionit apo të pavarur. Koalicion domethënë të bashkohemi me 1 ose 2 parti që kanë depozituar në KQZ ose 1 mijë firma në elektorat”, tha Berisha.
m.b./dita
