Ka skaduar ultimatumi 6 orësh, që ushtria izraelite kishte paralajmëruar për civilët palestinezë, për t’u evakuuar nga Gaza drejt jugut të qytetit. Por pa u mbyllur ky korridor, nga Izraeli janë lëshuar raketa, që kanë rënë edhe mbi civilët, që po largoheshin drejt jugut.
Zyra e shtypit e grupit militant të Hamas i tha CNN se në këtë sulm ajror u vranë 70 vetë ndërsa 200 të tjerë mbetën të plagosur. Pasi mbaroi ultimatumi për civilët, kryeministri Netanjahu u takua me ushtarët në frontin e luftës, ku sipas videos së shpërndarë për median, dëgjohet t’i thotë ushtarëve: “Jeni gati për fazën tjetër?”.
Në po të njëjtën linjë, zëdhënësi i ushtrisë, Richard Hecht, tha se bllokoda izraelite mbi Gaza do të vazhdojë nga ajri, deti dhe toka.
p.c. / dita