Fredi Beleri ka një histori të gjatë politike dhe me drejtësinë në shqipëri. Ai është dënuar për nxitje dhe urrejtje nacionale si dhe është hetuar si i përfshirë në “Masakrën e Peshkëpisë”.
Fredi Beleri u rikonfirmua si kandidat i opozitës për bashkinë e Himarës pas marrëveshjes Berisha-Dule, por kjo nuk është hera e parë që ai aspiron këtë post. Në vitin 2015 ai do të kandidonte nën siglen e PBDNJ duke mos u shpallur fitues.
Beleri do të tentonte të kandidonte edhe në vitin 2019 për bashkinë e Himarës si kandidat i pavarur por nuk u lejua nga komisioni qëndror i zgjedhjeve. Shkak u bënë shkeljet që iu gjeten në formularin e dekriminalizimit.
Fredi Beleri rezulton i dënuar me 3 vite burg për nxitje dhe urrejtje nacionaliste, vendim i dhënë nga gjykata e Vlorës në vitin 2003. Beleri është hetuar edhe mbi “Masakrën e Peshkëpisë”, dosja e cila është rihapur disa herë por pa sukses duke u arshivuar pa autorë. Për herë të fundit ajo u rihap në vitin 2019 nga ish prokuroria për Krime të Rënda për tu pushuar nga SPAK. Posta Kufitare e Peshkëpisë në Gjirokastër, u sulmua më 10 prill të vitit 1994.
Posta u përball me një sulm agresorësh grekë, të cilët, pasi vranë rojën, ushtarin Arsen Gjinin dhe komandantin e repartit, kapiten i parë, Fatmir Shehu, plagosën efektivë të tjerë dhe grabitën gjithë armatimet në tërheqje e sipër.
o.j/dita
