Tre shqiptarë të Kosovës janë arrestuar nga policia e Sarandës, pasi u kapën në tentativë për të transportuar 26 emigrantë të paligjshëm. Në pranga kanë rënë Shkëlqim Shabani, 25 vjeç, Hysni Hafizi, 22 vjeç dhe Shkëlzen Islami, 47 vjeç, të tre banues në Kosovë. Të arrestuarit bashkëpunonin me njëri-tjetrin për të transportuar 26 emigrantët të paligjshëm, kundrejt përfitimit dhe duke përdorur 3 automjete të ndryshme. Automjetet e përdorura nga këta shtetas për këtë veprimtari kriminale, si dhe celularët e tyre, u sekuestruan në cilësinë e provës materiale.
Nga Kosova në kufirin grek për të trafikuar 26 klandestinë, 3 të arrestuar në Sarandë
