Kryeministri Edi Rama ndodhet në një vizitë zyrtare pune në Emiratet e Bashkuara Arabe, ku po merr pjesë në Samitin Botëror të Veprimit të Klimës, COP28.
Kreu i qeverisë është takuar me Sekretarin e Përgjithshëm të OKB-së, Antonio Guterres dhe presidentin e KiE-së, Charles Michel, si dhe me Sheikh Mohammed bin Zayed Al Nahyan.
Rama ka ndarë një video, në rrjetin social Facebook, të momentit të mbërritjes në Dubai ku edhe është pritur nga Sheikh Mohammed bin Zayed Al Nahyan, President i EBA dhe Antonio Guterres, Sekretari i Përgjithshëm i OKB-së në Samitin e Ndryshimeve Klimatike.
Kryeministri ka publikuar në Facebook disa fotografi në hyrje të Samitit Botëror COP28 ku edhe është takuar me liderë të ndryshëm, mes të cilëve është presidentja e KE-së, Ursula von der Leyen, kryeministrja e Italisë Giorgia Meloni, Mark Rutte, po ashtu edhe presidenti KiE-së Charles Michel.
”Emiratet e Bashkuara Arabe – Mes miqsh në hyrje të Samitit Botëror COP28”, shkruan Rama krahas fotove.
j.l./ dita
