Socialistët kanë nisur sot pasdite Asamblenë, për të diskutuar zgjedhjet e 14 Majit dhe reformimin e politikave të tyre.
Në fotot e hyrjes në sallë, pranë “Restorant Xibrakut” (aty ku mblidhen gjithmonë), të gjithë duken të qeshur, perveç Edi Ramës, i cili nuk e fsheh dot tensionin që ka para mbledhjes, ndoshta edhe për shkak të zhvillimeve të javëve të fundit.
Në media u përfol shkarkimi i ministres së Financave, ndoshta edhe për shkak të lajmit për bllokimin e pagesave të Arbitrazhit, për çështjen “Becchetti”.
Asambleja Kombëtare e Partisë Socialiste që ka nisur në orën 18:00 ka sjellë rezultatet e para. Në këtë asamble që po zhvillohet me dyer të mbyllura, është vendosur që Bledi Çuçi të jetë kryetar i grupit paralamentar të PS-së.
Pas emërimit të Taulant Ballës si ministër i Brendshëm, ky vend kishte mbetur vakant. Sot i është besuar pikërisht ish ministrit të Brendshëm për të qenë në krye të grupit parlamentar.
Sakaq është bërë një tjetër ndryshim i rëndësishëm. Blendi Klosi është zgjedhur Sekretar i Përgjithshëm i Partisë Socialiste duke i zënë në këtë mënyrë vendin Damian Gjiknurit.
Kujtojmë që dy javë më parë Çuçi u shkarkua si ministër i Brendshëm dhe sot emërohet si kryetar i grupit Parlamentar të PS-së. Ndërsa Blendi Klosi është emëruar si Sekretar i Përgjithshëm.
