Kryebashkiaku aktual i Tiranës, Erion Veliaj, duket se do të ketë fitore të thellë nga projeksionet e para, ndaj rivalit të tij Belind Këlliçi. Ka nisur procesi i numërimit edhe në Tiranë, ku nga 941 qendra votimi në total, deri më tani janë numëruar 8 prej tyre. Rezultati ka shkuar në mbi 60% për socialistin. Sipas rezultateve paraprake nga KQZ, për 3 kutitë e para, kandidati i PS, Erion Veliaj kishte marrë 509 vota, ose 62.54%. Sakaq, kandidati i koalicionit “BF”, Belind Këlliçi ndjek në vendin e dytë me 207 vota ose 25.43 %. Më tej kandidatët e partive të tjera, më konkretisht Arlind Qori i Lëvizjes Bashkë ka marrë 27 vota, Roland Bejko i PD-së me 35 vota. Nga ana tjetër Lajla Përnaska e PDIU ka siguruar 3 vota, ndërsa Marko Dajti i Frontit të Majtë ka 33 vota. Ndërkohë që sa i përket 2 bashkive të tjera mund të thuhet në Kavajë dhe Rrogozhinë ende nuk ka nisur.
