Fushatës Kombëtare për Internet të Sigurt sot i është bashkuar znj. Arta Dade – Presidente e Bordit të Drejtorëve të CRCA / ECPAT Shqipëri.
Znj. Dade është një ndër politikanet gra më të njohura në Shqipëri dhe Ministrja e Jashtme e parë grua në historinë e Shqipërisë.
Që prej largimit të saj nga politika aktive ajo i është dedikuar promovimit të kauzave të rëndësishme shoqërore, duke iu dedikuar mbrojtjes dhe avancimit të të drejtave të fëmijëve në Shqipëri.
Dita e Internetit të Sigurt (SID) organizohet çdo vit në muajin shkurt për të promovuar përdorimin e sigurt dhe pozitiv të teknologjisë dixhitale, veçanërisht midis fëmijëve dhe të rinjve.
Në Shqipëri, dita organizohet nga Platforma Kombëtare për Internet në Sigurt (www.iSIGURT.al) dhe Linja Kombëtare për Internet të Sigurt për Fëmijët, dy shërbime të specializuara në nivel kombëtar të CRCA/ECPAT Shqipëri, në partneritet me ALO 116: Linja Kombëtare e Telefonit të Ndihmës për Fëmijët.
Platforma iSIGURT.al është anëtare e INHOPE dhe Insafe, organizatorë të ditës në nivel Europian dhe global.
Në të gjithë botën, miliona njerëz bëhen së bashku për të sjellë ndryshime pozitive në internet dhe për të rritur ndërgjegjësimin për çështjet e sigurisë.
“Është problem serioz që prek çdo fëmijë, çdo familje dhe shkollë. Cilido prej nesh mund dhe duhet të luajë rolin e tij në këtë drejtim” – tha për DITA, znj.Dade.
n.s. / dita