Në Tiranë po zhvillohet raundi i dytë i diskutimeve teknike mes palës shqiptare dhe asaj greke, mbi skemat e sigurimeve shoqërore. Ky takim, që pason atë të zhvilluar në Athinë në shtator të vitit të kaluar, tregon vullnetin pozitiv që kanë palët për të bërë të mundur arritjen sa më shpejt të një marrëveshje të përbashkët, aq shumë të dëshiruar nga bashkatdhetarët tanë.
Arritja e marrëveshjes do të sigurojë lehtësira, si dhe do të garantojnë mbrojtjen e të drejtave të qytetarëve shqiptarë, të cilët nga bashkimi i periudhave, do të kenë mundësi të plotësojnë kushtet ligjore për përfitimin e pensionit në të dy vendet. E njëjta gjë do të ndodhë edhe me shtetasit grekë që punojnë në vendin tonë.
Delegacioni shqiptar drejtohet nga zëvendësministrja e Financave dhe Ekonomisë Olta Manjani, ndërsa ai grek nga Anna Rizou, Drejtore e Sigurimeve dhe Benefiteve.
Drejtori i Përgjithshëm i Institutit të Sigurimeve, Astrit Hado, bëri një prezantim të përgjithshëm të mënyrës sesi funksionon skema e sigurimeve shoqërore dhe reformat që kemi ndërmarrë deri tani, me qëllim përmirësimin e shërbimeve që ofrohen për qytetarët .
p.k\dita
