Kreu i KQZ-së Ilirjan Celibashi, shpjegoi pse ka zgjedhur që të mos u përgjigjet akuzave që i janë bërë para dhe pas zgjedhjeve nga subjekte të ndryshme politike.
Ai tha se nuk është ‘Don Kishot’ që të ndryshojë politikën ndërsa shtoi se ka zgjedhur të hesht kundrejt sulmeve pasi kjo është në dobi të institucionit që ai drejton.
“KQZ nuk është me asnjë, është me ligjin dhe nuk kemi preferuar që të komentojë deklaratat apo të bëjë komente ndaj kujtdo vesi të përfaqësuesve politik. Ky është realiteti politik, dhe nuk jam ‘Don Kishot’ që të mendojë se do të duhet ta ndryshojë qoftë dhe me një fjalë timen.
Më gjykimin tim është me dobi që institucionet publike, dhe kur gjenden padrejtësisht në akuza dhe sulme të qëndrojnë larg dhe të mos përfshihen në debate me përfaqësuesit politik”- theksoi ai.
