Seanca e së enjtes e kuvendit e do të drejtohet nga nënkryetarja Ermonela Felaj. Arsyeja është kërkesa e opozitës për shkarkimin e kryetares së kuvendit Lindita Nikolla. Sipas rregullores, në seancën kur shqyrtohet kërkesa për shkarkimin e kryetarit të kuvendit, seanca drejtohet nga nënkryetarja.
Kujtojmë, që gjatë seancës së të enjtes do të shqyrtohet kërkesa e opozitës për shkarkimin nga detyra të Nikollës me argumentin se ka shkelur rregulloren e Kuvendit, duke mos i dhënë fjalën opozitës gjatë diskutimit të akteve ligjore në rend të ditës.
Mazhoranca e bëri të qartë se do ta refuzojë kërkesën, pasi sipas socialistëve Nikolla e ka zbatuar me korrektësi rregulloren, pasi kuvendi ishte në situatë të jashtëzakonshme e kësisoj seanca nuk mund të vijonte normalisht dhe duhej kaluar menjëherë në votim.
m.b./dita
