Linda Rustemaj
Gjatë mbledhjes së komisionit ku u diskutua buxheti, drejtori i Policisë së Shtetit, Skënder Hita, u përball me deputetët e opozitës, të cilët kërkuan sqarime për dhunën policore gjatë protestave dhe dorëheqjen e tij.
Kryepolici iu kundërpërgjigj akuzave duke publikuar imazhe të papublikuara më parë të efektivëve të lënduar rëndë gjatë protestave, me hundë e kafkë të thyer, nga sulmet që i cilësoi si të paprecedenta, të kryera me gurë dhe molotov.
Debati mbi “topin akustik” dhe akuzat e Kaprit
Gjatë diskutimeve, u ngrit pyetja nëse në protestë është përdorur “top akustik” si në Serbi, por Hita i ka hedhur poshtë akuzat e ngritura nga Kapri, duke i quajtur ato “spekulime”.
Nga ana e tij, Kapri i ka kërkuar dorëheqjen drejtorit të Policisë, duke deklaruar: “Efektivët dhunuan protestuesit, ju nuk jeni drejtori i policisë së Ramës”.
Diskutime për takimin e Gogut dhe Veliajn në burg
Tensioni në komision u shtri edhe në çështje të tjera, ku opozita ngriti pyetjen nëse ka një hetim administrativ për ministrin lidhur me takimin e Gogut dhe Veliajn në burg. Për këtë çështje, Drejtoresha e Burgjeve u është përgjigjur duke kërkuar që të bëhet një kërkesë zyrtare, ndërkohë që u theksua se urdhri i transferimit mbetet sekret.
Dita
