Deputetët e opozitës krijuan ‘rrëmujë’ ne seancën që ishte parashikuar të mbahej sot në Parlament, e për këtë do të merren masa.
Kështu ka paralajmëruar kreu i grupit parlamentar socialist, Bledi Çuçi para gazetarëve jashtë sallës së Kuvendit, ku ka kërkuar mbledhjen e Këshillit të rregullores. Ai tha se do të shihen kamerat dhe ata që nuk lejuan mbledhjen normale do të marrin dënimin.
Sipas tij askush nuk mund t’i shpëtojë dënimit të merituar në momentin që shkel rregulloren e Kuvendit të Shqipërisë.
“Nuk kemi gjë kundër opozitës por për njerëzit që kanë zaptuar Kuvendit. Duhen para kamerat. Kush bën këtë akt duhet të marrë dënimin, edhe kolegët e mi në atë kohë kanë marrë dënimin. Kur ka votuar Basha, nuk votoi as rezolutën e përbashkët”, tha Bledi Çuçi.
j.l./dita
