Orëndreqësi shqiptar nga Kosova, Rexhep Rexhepi, ka fituar çmimin prestigjioz “Aiguille d’Or” në Grand Prix d’Horlogerie de Genève 2026, vlerësimi më i lartë i këtij konkursi ndërkombëtar të orologjisë.
Modeli i tij, Chronograph Flyback, u shpall fitues i çmimit kryesor në Gjenevë, duke shënuar një sukses të rëndësishëm për krijuesin shqiptar dhe punishten e tij në Zvicër.
Ora ka një mekanizëm të ri të përbëre nga 320 komponentë, rezervë energjie prej 72 orësh dhe një numërator prej smalti të punuar me teknikën tradicionale”grand feu”. Përfundimi dhe dekorimi i mekanizmit realizohen me dorë.
I lindur në Kosovë në vitin 1987, Rexhepi u zhvendos në Zvicër gjatë femijërisë. Rrugëtimi i tij profesional e çoi drejt krijimit të markës se pavarur Akrivia dhe më pas drejt njohjes ndërkombëtare për orët që mbajnë emrin e tij.
Çmimi i deklaruar për modelin fitues është 150 mijë franga zvicerane, pa taksa. Në një intervistë, vetë Rexhepi ka shpjeguar se e ka mbajtur çimin në këtë nivel, megjithëse krijimet e tij kërkohen me vlera më të larta në tregun e rishitjes, që mund të arrijnë deri 4 milionë euro.
j.l./ dita
