Këshilli i Ministrave ka kaluar gjatë ditës së sotme edhe procedurat për mënyrën e pajisjes së partive politike me zyra, si në nivel qendror dhe vendor. Sipas kushteve të përcaktuara, nga ky ligj do të mund të përfitojnë vetëm partitë që në 3 zgjedhjet e fundit të përgjithshme kanë marrë mbi 1% të votave.
Në përfundim të mbledhjes, ministri i Drejtësisë, Ulsi Manja ka konfirmuar se cilët janë kufijtë maksimalë që qeveria do të marrë përsipër për të mbuluar qiranë e zyrave për partitë politike.
“Kemi vendosur për përcaktimi i procedurës dhe mënyrën e pagesës së zyrave qendrore dhe vendore të partive politike. Pjesë e këtij përfitim që pajis me zyra partitë politike, do të jenë të gjitha partitë që në 3 zgjedhjet e fundit të përgjithshme kanë marrë mbi 1 % të votave.
Nëse do jenë ambiente publike, kontrata do lidhet mes partive politike dhe Ministrisë së Brendshme, në nivel vendor kontrata do lidhet mes partive politike dhe bashkive, si dhe aty ku nuk ka ambiente publike në përdorim, me këtë akt kemi përcaktuar mënyrën e pagesës së qirasë dhe kufijtë maksimal të pagesës për partitë politike.
Qeveria merr përsipër dhe garanton të drejtën e partive që kanë marrë mbi 1 % të votave për t’u pajisur me zyra. Qeveria merr përsipër të paguaj qiranë duke përcaktuar kufijtë maksimal të sipërfaqes dhe qirasë”, tha Manja.
I pyetur se si do të veprohen e selinë e PD, Manja tha se kjo çështje nuk i takon qeverisë, por janë mosmarrëveshje mes palëve.
“Lidhur me selinë e PD zoti u dhënë fuqinë t’i zgjedhin vetë mosmarrëveshjet që kanë Foltorja me vulën, kjo nuk është pjesë dhe asnjë detyrë e qeverisë”, tha Manja.
p.k\dita
