Komisioni i Ekonomisë do të mblidhet ditën e nesërme online për të shmangur kaosin e paralajmëruar nga Rithemelimi.
Përmes një njoftimi zyrtar nga Komisioni i Ekonomisë, bëhet me dije se shqyrtimi i projektligjeve të Paketës Fiskale do të diskutohet online ditën e hënë në orën 09:30 të paradites.
Kjo ka ardhur pas paralajmërimeve nga deputetët e opozitës se nuk do të ketë normalitet në Kuvend deri në plotësimin e tre komisioneve hetimore dhe parlamentare.
“Në vijim të njoftimeve për zhvillimin e mbledhjes së Komisioni për Ekonominë dhe Financat për sa i përket shqyrtimit të projektligjeve të Paketës Fiskale. Ju bë me dije se mbledhja e komisionit, ditën e hënë, dat 6.11.2023, Ora 09:30, do të zhvillohet online në platformën Zoom. Link për aksesimin e mbledhjes do ju dërgohet në vijim”,- njofton komisioni i ekonomisë.
a.c./dita
