Nostradamus njihet për parashikimet e tij, të bëra pesë shekuj më parë. Mjeku francez i lindur më 1503, botoi një libër me titull “Profecitë” në të cilin parashikoi 942 ngjarje të së ardhmes.
Disa nga parashikimet e tij janë vrasja e John F. Kennedy, Luftërat Botërore, apo shkatërrimi i Kullave Binjake në Nju Jork, ndër shumë të tjera. Për këtë vit ka “gjetur” dy. E para është një ndryshim në Vatikan dhe e dyta, se fuqia e parë në botë do të pësonte turbulenca.
Këto janë disa nga parashikimet për vitin 2024:
1-Një tërmet i madh në Kaliforni?
Ardhmologu njofton këtë ngjarje të tmerrshme që do të shkaktojë dëme të rënda dhe vdekje. Sipas disa interpretuesve, mund të jetë rreth 20 majit, pasi vargu thotë: “Dielli i njëzetë i Demit”. Përveç kësaj, ata komentojnë se do të ishte në Hollivud apo Los Angeles, pasi vendin e specifikon si “teatër i madh”. Kujtojmë se para pak ditësh shkencëtarët zbuluan poshtë detit pranë Kalifornisë, një çarje të madhe nënujore, si pararojë e një katastrofe të madhe humane; ndoshta një tsunam apo tërmet i fuqishëm vdekjeprurës.
2-Një Papa i ri?
Ai parashikon vdekjen e Papa Françeskut aktual dhe zgjedhjen e një Papati të ri. Interpretuesit besojnë se mund të jetë një kardinal afrikan ose aziatik në moshë jo papale, sepse Nostradamus ka shkruar: “i ri dhe i zi”.
3-Një luftë botërore?
Nostradamus parashikon një luftë që përfshin disa fuqi botërore me pasoja të tmerrshme. Sipas disa interpretuesve, “tre” mund të jenë: Shtetet e Bashkuara, Rusia dhe Kina.
4-Ndryshimet ekstreme klime?
Mund të ndikojnë në planet dhe të shkaktojnë përmbytje, zjarre dhe thatësira. Disa interpretojnë togfjalëshin “ndryshimet njerëzore” si mënyrën se si njerëzit po reagojnë ndaj mjedisit.
