Një tjetër skandal me frutat e importuara nga jashtë ka ndodhur në Shqipëri. Ndryshe nga mishi i pules me salmonelë, te mandarinat dhe specat me pesticide, ketë herë janë shfaqur dhe luleshtrydhet me pesticide të rrezikshme.
OraNews shkruan se një sasi luleshtrydhesh të importuara nga Greqia me importues “Geri shpk” dhe aktivitet “Magazinë fruta-perime”, kanë dalë me pesticidin Hexythiazox. Ky lloj pesticidi konsiderohet i rrezikshëm për shëndetin e njeriut.
Pas analisave të ISUV, AKU ka dalë në terren, për të hequr nga tregu këto lloj luleshtrydhesh, por pa sukses. Sepse e gjithë ngarkesa me luleshtrydhe, e impo0rtuar nga Greqia është shitur dhe rrjedhimisht është konsumuar nga familjarët dhe qytetarët që i kanë blerë.
Sipas rregullave që duhet të zbatohet për çdo produkt që importohet nga jashtë, deri në daljen e analizave, ky lloj produkti duhet që të qëndrojë i bllokuar. Por siç ka ndodhur dhe me rastin e filetove të pulës dhe me luleshtrydhet e njëjta procedurë është ndjekur. Nuk ka qëndruar e bllokuar asnjë ditë, por është nxjerrë për shitje.
j.l./ dita
