Kaosi i krijuar në komisionet parlamentare për shkak të vendimit të shumicës së deputetëve demokratë për t’i penguar ato të zhvillohen në kushte normale, është bërë shkak që një pjesë e tyre të zhvillohen online, ose të shtyhen për një ditë tjetër.
Komisionit i Ligjeve është mbledhur online ku është diskutuar projektbuxheti i vitit 2024, i cili u votua në parim nga kampi i socialistëve.
Ministri i Financave i pranishëm në mbledhje u shpreh se buxheti për drejtësinë është dyfishuar që nga 2016-ta, ndërsa reforma do të vijojë të mbështetet edhe në projektbuxhetin e ri, me rritje pagash e investime të reja.
Edhe buxheti për pushtetin vendor është rritur me 10% sipas tij dhe do marrin plot 710 milionë euro.
p.k\dita
