Pas transportit falas, Belind Këlliçi, kandidati i Ilir Metës në zgjedhjet vendore të 14 majit për Bashkinë e Tiranës ka gati një tjetër masë, që do e thotë brenda dy ditëve.
Në një intervistë televizive, Këlliçi tha se Tirana nuk e ka luksin të ketë apartamente fantazmë dhe një stok prej 40.000 apartamentesh të pashitura.
“Në ditët në vijim në mos nesër pasnesër do të bëj publike një masë që do të lidhet drejtpërdrejtë me apartamentet vakante në Tiranë.
Stoku ka vajtur nga 8.000 në 40.000. për këtë unë pa diskutim do të ndërmarr një masë që do ta bëj publike, në mos nesër të premten, sepse dua të jem shumë korrekt me atë masë që dua të marrë. Tirana nuk e ka luksin të ketë apartamente fantazmë , një stok kaq të madh apartamentesh të pabanuara dhe të vazhdojnë të jepen leje”, tha Belind Këlliçi.
