Mbrëmjen e sotme (e diel), përfaqësuesit ligjorë të Rithemelimit në KQZ, Ledio Nuraj dhe Franc Nuri janë nisur drejt zyrave të Komisionit Qendror të Zgjedhjeve.
Në një njoftim zyrtar të grupit të Rithemelimit, bëhet me dije se Nuraj dhe Nuri do të depozitojnë dokumentacionin për regjistrimin si subjekt zgjedhor në zgjedhjet lokale të datës 14.05.2023.
Grupimi i Berishës ka vendosur të futet në zgjedhjet lokale me koalicion. Sali Berisha mblodhi sot Këshillin Kombëtar nga ku tha se nuk do t’i bojkotojnë zgjedhjet lokale.
Në përfundim të mbledhjes, Edi Paloka u shpreh se do të futen me koalicion, por pa bërë me dije partitë përbërëse. Paloka tha se nesër do të nisin negociatat me aleatët.
m.b./dita
