Partia Demokratikeka hapur fushatën politike në Tiranë në kuadër të zgjedhjeve të 14 majit. Gjatë fjalës së tij, kryetari i komanduar Enkelejd Alibeaj është shprehur se ky është një moment feste, por në një moment të vështirë për PD-në. Alibeaj ka deklaruar se Partia Demokratike është nën agresion teksa ka hedhur akuza ndaj Ramës, Berishës dhe Metës, për të cilët ka thënë se sipas tij, bashkëpunojnë me njëri-tjetrin për interesa personale. Kurse kandidati i Partisë Demokratike për Bashkinë e Tiranës, Roland Bejko, është shprehur se ish-kryeministri Sali Berisha i ka futur një thikë pas shpine demokratëve, duke u strehuar në partinë e Ilir Metës. Komentet Bejko i bëri nga takimi për hapjen e fushatës elektorale, ku tha se kandidatura e tij në Tiranë është e vetmja alternativë e së djathtës, pasi sipas tij, të gjithë flamujt e tjerë në fushatë përfaqësojnë parti të majta. Ai shtoi se këto zgjedhje për PD-në do të jenë të vështira, pasi sipas tij, përballë kanë trinomin e tranzicionit shqiptar, Rama-Berisha-Meta.
Kerko
