Sot do të zhvillohet seanca plenare e radhës në Kuvend.
Sot parashikohet të diskutohen 13 pika në rendin e ditës, mes të cilave 5 janë projektligje.
Gjatë ditës së sotme, në parlament pritet që të ngrihen dy Komisione, ai për Antikorrupsionin dhe Dezinformimin.
Në krye të Komisionit për Antikorrupsionin pritet të jetë kryetar Fatmir Xhafaj, ndërsa kryetar i Komisionit për Dezinformimin pritet të jetë Erion Braçe.
Mësohet se sa i takon Komisionit Antikorrupsion, emrat e deputetëve të opozitës janë aty për shkak të pozicionit që kanë në Komisionet Parlamentare dhe bëhen automatikisht anëtarë.
Në rend të ditës është mes të tjerash projektligji që i hap rrugën pagesës së punonjësve dhe ish-punonjësve të Kombinatit Mekanik të Poliçanit.
Njëkohësisht me nisjen e seancës, do të nisë dhe protesta e paralajmëruar nga opozita jashtë Kuvendit, pas publikimit të investigimit të Rai3 për Shqipërinë.
Bardhi ka kërkuar mocion me debat mbi këtë çështje, që pritet të sjellë debate edhe brenda në Kuvend.
Ndërkohë për të shmangur përballjen me protestuesit, deputetët e Partisë Socialiste kanë hyrë në parlament më herët.
j.l./ dita
